ആശേ.....നിനക്കായ് ...

എന്റെ കൂട്ടുകാരി....

                   'മരണം' അവളുടെ മരവിച്ച ക്യ്കള്‍ കൊണ്ട് നിന്നെ തലോടിയപ്പോള്‍ നിനക്ക് എന്താണ് തോന്നിയത്.?നേരിയ മരവിപ്പ്... നിനച്ചിരിക്കാതെ  അവള്‍ വന്നപ്പോള്‍ നിനക്ക് അവളോട്‌ ദേഷ്യം തോന്നിയോ.?അതോ ഭയമോ.?നീ ഭാഗ്യവതി ആണ്.അവളുടെ കരസ്പര്‍ശം ഏല്‍ക്കാന്‍ എത്രയോ പേര്‍ കാത്തിരിക്കുന്നു.

       

                         നീ ഇപ്പോള്‍ എവിടെയാണ്.?അവള്‍ നിന്നെ എവിടെക്കാണ്‌ കൊണ്ടുപോയത്.?

വശ്യമാനോഹരം ആയ അവളുടെ ഉദ്യാനത്തിലെക്കോ .?അതോ അതിലെ കമനീയമായ കൊട്ടാരത്തിലെക്കോ .?

      

                         നീ ഇപ്പോള്‍ എന്ത് ചെയുകയാണ് .?നീ സ്വപ്നം കാണാറുള്ള നിന്റെ പ്രിയനേ അവള്‍ നിനക്ക് കാണിച്ചു തന്നുവോ.?അവന്റെ മടിയില്‍ തലവച്ചു നീ ഉറങ്ങുകയാണോ .?അതോ അവനോടൊപ്പം മേഘശകലങ്ങള്‍ കൊണ്ട് തീര്‍ത്ത മട്ടുപ്പാവില്‍ ഉലാത്തുകയണോ.?നീ ഭാഗ്യവതി ആണ്.അവള്‍ ഭൂമിയില്‍ നിന്നും കൊണ്ടുപോയിട്ടും ആ നന്മ നിറഞ്ഞവളോട്  ഒപ്പം വസിക്കാന്‍ കഴിയാത്തവര്‍ എത്രയോ പേര്‍..

     

                        മഴയെ പ്രണയിച്ച എന്റെ കൂട്ടുകാരി..നിന്റെ നാട്ടില്‍ നിന്നെ വരവേല്‍ക്കാന്‍ മഴയുടെ അകമ്പടി ഉണ്ടായിരുന്നോ.?മഴയില്‍ തന്നെയായിരുന്നുല്ലോ ഈ നാട്ടില്‍ നിന്നും ഉള്ള നിന്റെ മടക്കവും.എന്നെ പോലെ ഒരു കൂട്ടുകാരിയെ നിനക്ക് കിട്ടിയോ .? എങ്കില്‍ എനിക്ക് അവളോട്‌ അസൂയ ആണ് .

   

                     വിരിഞ്ഞാല്‍ ഒരിക്കല്‍ കൊഴിയണം എന്ന് എന്നെ എപ്പോളും ഓര്‍മിപ്പിച്ച എന്റെ കൂട്ടുകാരി..നിന്നെ എങ്ങനെയാണു ഞാന്‍ മറകുക.നീ ഭാഗ്യമുള്ളവള്‍...ഞാനോ ഉഴം കാത്തിരികുന്നവള്‍..

   

                    ഓര്‍മകളില്‍ നീ എനിക്ക് ഏകിയ ആ സ്നേഹത്തിന്റെ നോവ്‌ ഞാന്‍ മറക്കില്ല.ഏകാന്തരാവുകളില്‍ വെറുതെ കരഞ്ഞു തീര്‍ക്കുവാന്‍ വേണ്ടി മാത്രം..ഒരിക്കലും മായാത്ത കണ്ണുനീര്‍തുള്ളിയായ് നീയെന്നും എന്നില്‍ ജീവിക്കുന്നു..