പ്രണയമഴ

നീ എന്നില്‍  വെറുമൊരു മഴതുള്ളിയല്ല. മറിച്ചൊരു മഴയാണ്
ഹൃദയവികാരങ്ങള്‍ക്ക്  കൂട്ടായ പ്രണയമഴ..
ഉറക്കം വരാതെ കിടന്ന രാത്രികളില്‍ നനുത്ത
സ്പർശം കൊണ്ടു തൊട്ടുതലോടിയ സ്വാന്തനമഴ..
മനസ്സിന്റ നരച്ച ചില്ലുവാതിലിനപ്പുറത്തു കാണാതെ കേള്‍ക്കാതെ
പെയ്തു തോരുന്ന വിരഹത്തിന്റ ഞാറ്റുവേല...
പിന്നീടെപ്പഴോ മണ്ണില്‍  കണ്ണും പൂട്ടി കിടക്കവെ
മനസ്സില്‍ സഫലമാകാതെ കിടന്നിരുന്ന
മോഹത്തിന്റെ വിത്തുകളെ ആയിരം പച്ചനാമ്പുകളാക്കി
കിളിര്‍പ്പിക്കുന്ന  ജീവതാളങ്ങളുടെ മഴ...
നീ എന്നിലൊരു മഞ്ഞുതുള്ളിയല്ല. മറിച്ച്
എഴു നിറങ്ങളും എഴു സ്വരങ്ങളും ചേര്‍ന്ന ഒരു
മാരിവില്‍  സംഗീതമാണ്...